نجحي في خدمتك، وعيشي بسلام مع نفسك

فاش بديت الكوتشينغ، كنت تايهة، ما عارفاش راسي شكون أنا وشنو باغية. كانت فيا العصبية بزاف، خصوصا مع عائلتي، وكنت كنعاني من القلق ونقص كبير فالثقة فالنفس. بصراحة، فاللول ما كنتش مآمنة بهادشي ديال الكوتشينغ.لكن مع الحصص، تبدل كلشي. فهمت أن الهدف ماشي هو غير نعاود مشاكلي، ولكن باش نلقى ليهم حلول بصح. قبل كل حصة، كانت كتعطيني تمارين نخدم عليهم، وهادشي عاوني بزاف.اليوم، وليت إنسانة هادئة كتر (zen) وواعية، وعرفت بلي أنا هي المسؤولة الوحيدة على حياتي. التغيير كان كبير لدرجة أن الناس القراب ليا لاحظوا الفرق فشخصيتي وتصرفاتي. ديك الخلعة لي كانت عندي من هضرة الناس وحكمهم ما بقاتش.بكل صراحة، هاد التجربة هي أحسن استثمار درتو فراسي. كنشكر بزاف الكوتش ديالي على المواكبة ديالها ليا فهاد الطريق كاملة